Եվրամիությունը դադարեցրել է Ուկրաինայի հետ Ասոցացման համաձայնագրի շուրջ աշխատանքները: Ինչպես հաղորդում է Reuters-ը, լուրը տեղեկատվությունը հաստատել է ԵՄ ընդլայնման և հարևանության քաղաքականության հարցերով հանձնակատար Շտեֆան Ֆյուլեն: Վերջինս հայտարարել է, որ համաձայնագրի շուրջ Ուկրաինայի նախագահի և կառավարության խոսքերն ու գործողություններն իրար չեն համապատասխանում, իսկ նրանց բերած փաստարկները «ոչ մի ընդհանրություն չունեն իրականության հետ»: Ֆյուլեն նաև նշել է, որ համաձայնագիրը պետք է ստորագրվեր Ուկրաինայի առաջին փոխվարչապետ Սերգեյ Արբուզովի հետ բանակցությունների արդյունքում, սակայն տեղաշարժեր չեն եղել: Ներկայում Կիևի Անկախության մայդանում հավաքվել են 200 հազ. Եվրաինտեգրման աջակիցներ, որտեղ հայտարարվել է «արժանապատվության օր»: Ցուցարարների թիվը գնալով ավելանում է: Նոյեմբերի 21-ին Ուկրաինայի նախարարների կաբինետը դադարեցրեց ԵՄ-ի հետ Ասոցացման մասին համաձայնագրի ստորագրման նախապատրաստումը՝ միաժամանակ հայտարարելով, որ չի հրաժարվում եվրաինտեգրումից։ Եվրաինտեգրման աջակիցները Ուկրաինայի իշխանությունների այս որոշմանն արձագանքեցին բողոքի ակցիաներով ու ցույցերով, որոնք շարունակվում են մինչ օրս։
↧