Հունվարի 12-16-ին սպասվում է առանց տեղումների եղանակ:
Ինչպես հաղորդում են արտակարգ իրավիճակների նախարարության Հիդրոմետ ծառայությունից, օդի ջերմաստիճանը 13-15-ին աստիճանաբար կբարձրանա 7-9 աստիճանով:
Երևանում ևս հունվարի 12-16-ին սպասվում է առանց տեղումների եղանակ:
Հունվարի 12-ի ժամը 09:30-ի դրությամբ, բքի պատճառով դժվարանցանելի են Բերդ-Ճամբարակ, Գորիս-Սիսիան ճանապարհահատվածները և Վարդենյաց լեռնանցքը:
Տրանսպորտի և կապի նախարարության մամուլի ծառայության փոխանցմամբ՝ Սևանից դեպի Դիլիջանի թունել, Մարտունուց դեպի Վարդենիս և Գորիսից դեպի Սիսիան տանող ճանապարհահատվածներում տեղ – տեղ մերկասառույց է:
Միջպետական և հանրապետական նշանակության ավտոճանապարհները բաց են:
Ինչպես տեղեկացնում է Վրաստանի ենթակառուցվածքների նախարարության ճանապարհային դեպարտամենտից, առատ տեղումների պատճառով բոլոր տեսակի տրանսպորտային միջոցների համար փակ է Ստեփանծմինդա – Լարս ավտոճանապարհը: