Quantcast
Channel: CIVILNET
Viewing all articles
Browse latest Browse all 17038

Ամանորը, Սուրբ Ծնունդն ու Ջրօրհնեքը` Եկատերինբուրգի հայկական եկեղեցում (ֆոտոշարք)

$
0
0

10470858_861530233899461_6917557581356908557_n

Բարդ է ասել՝ որքան հայ է ապրում Եկատերինբուրգում (ըստ տարբեր տվյալների 12 հազարից, մինչև 30 հազար)․ նրանց մեծամասնությունն արդեն Ռուսաստանի քաղաքացիներ են, ոմանք օրինականացման ճանապարհին են, շատերն էլ ժամանակավոր աշխատանքի են եկել, սակայն կարելի է վստահորեն պնդել, որ նրանց բոլորին միայն մեկ բան կարող է համախմբել՝ եկեղեցին։

Հայկական համայնքը Եկատերինբուրգում ձևավորվել է դեռ 1988 թվականից, թեպետ, պաշտոնապես գրանցվել է 1994-ին։ Այստեղ գործում է նաև Կիրակնորյա դպրոց, որտեղ հայ երեխաներին սովորեցնում են հայերեն, հայոց պատմություն, ծանոթացնում են մեր մշակույթին և փորձում են ամեն ինչ անել, որպեսզի երեխաները սիրեն ու հպարտանան իրենց հայրենիքով։ Կան նաև բազմաթիվ խմբակներ։ Այդուհանդերձ, այս ամենը լիարժեք չէր մինչև Ս․ «Հովհաննես Կարապետ» եկեղեցու կառուցվելը՝ 2013 թ․ հոկտեմբերի 12-ը, հենց այդ օրը հոգևոր տաճարն օծելու նպատակով Եկատերինբուրգ էին ժամանել Նորին Սուրբ օծություն Տ. Տ. Գարեգին Բ Ամենայն Հայոց Կաթողիկոսն ու Նոր Նախիջևանի և Ռուսաստանի հայոց թեմի առաջնորդ Եզրաս արքեպիսկոպոս Ներսիսյանը։

Ցանկանում եմ հատուկ ուշադրություն սևեռել եկեղեցու ոգևոր հովիվ Տեր Արիստակես քահանա Հովհաննիսյանի անձի և գործողությունների վրա, քանի որ եկեղեցու շեմից ոտք ներս դրած յուրաքանչյուր հայորդի նրա լավագույն բարեկամն է։ Տեր Արիստակեսն այս 14 ամսվա ընթացքում հասցրել է ծանոթանալ և հաղորդակից լինել տեղի հայությանը հուզող բոլոր խնդիրներին։ Նա անհատապես ճանաչում է եկեղեցի հաճախող յուրաքանչյուր հավատացյալի, շատերին էլ ինքն է դեմքով դեպի Հայոց եկեղեցին դարձրել։

IMG_0556

Այս ամենի վառ ապացույցին կարելի էր ականատես լինել Ամանորի գիշերը, Սուրբ Ծննդյան պատարագին ու Ջրօրհնեքի արարողությանը։ Այս օրերին եկեղեցու բազմամարդությունն ապշեցուցիչ էր։

10923056_800123416724299_1199499533_o

«Ամանորը եկեղեցում դիմավորելն արդեն բարի ավանդույթ է դառնում մեր եկեղեցում։ Նախորդ տարի բազմաթիվ հավատացյալներ անսացին խորհրդիս և նոր տարին այստեղ միասին դիմավորեցինք։ Ինչպես տեսաք՝ այս տարի անհամեմատ շատ էին Ս․ «Հովհաննես Կարապետ» եկեղեցում նոր տարին սկսողները։ Բացվող տարին անկյունադարձային է ազգային կյանքի մեջ, քանզի Հայոց Մեծ Եղեռնի հարյուրամյա տարելիցի խորհուրդն է 2015 թ․ մեջ ամփոփված, և նախնյաց լույս հիշատակի առաջ հավատարմության ուխտով ու երդմամբ պիտի այն սկսենք»,- ասում է Տեր Արիստակես քահանա Հովհաննիսյանը։

Ամանորն ավետող մաղթանքից հետո եկեղեցու հոգևոր հովիվը նռան օրհնություն կատարեց: Կարգը սահմանել է Գարեգին երկրորդ ամենայն հայոց հայրապետը և այսուհետ այն կդառնա Ամանորի խորհրդանշական ավանդույթներից մեկը: Վեհափառ հայրապետը նուռօրհնեքի կարգի հաստատումով պատգամում է՝ եկեղեցու տեսանելի, շոշափելի խորհրդանիշ ընկալել բարեբեր պտուղը:

«Ինչպես որ նռան հատիկներն են պաշտպանված կեղևով, այնպես էլ քրիստոնեաները՝ եկեղեցով, իսկ թագը խորհրդանշում է Քրիստոսի թագավորությունը»,- բացատրում է քահանան։

Հարյուրավոր մարդիք մասնակցեցին փառաբանական աղոթքին, ստացան օրհնված պտուղն ու չէին շտապում հեռանալ։

Իսկ Սուրբ Ծննդայն տոնին ու Ջրօրհնեքի արարողությանը եկեցում պարզապես տեղ չկար։

10906481_861529657232852_4172768546275436619_n

Հունվարի 5-ի երեկոյան՝ Սուրբ Ծննդյան տոնի նախօրեին Եկատերինբուրգի Ս․ «Հովհաննես Կարապետ» եկեղեցում Ճրագալույցի պատարագ մատուցվեց։

Պատարագի ընթացքում Տեր հայրն ավետեց Սուրբ Ծննդյան ավետիսը․ «Քրիստոս ծնավ և հայտնեցավ», որին եկեղցում հավաքվածները արձագանքեցին․ «Մեզ և Ձեզ մեծ ավետիս»։

1

Հավարտ Սուրբ պատարագի խորանից իջեցվեց Սուրբ սեղանից վառված կանթեղը, որից հավատացյալները վառեցին մոմերը՝ կանթեղը որպես լույսի խորհրդանիշ տանելով իրենց տները։

10407390_861529413899543_4922063697031478121_n

Հաջորդ օրը Տեր հայրն ի նշան Քրիստոսի Սուրբ մկրտության, Ջրօրհնեքի սրբազան արարողություն կատարեց: Հայ Առաքելական եկեղեցու բազմաթիվ հետևորդներ քահանայի ձեռքից ստացան օրհնված ջուրը, որի բուժիչ հատկությունների մասին անհամար պատմություններ կան:

10897106_862659683786516_6719309179393995165_n

Նշենք, որ Ս․ «Հովհաննես Կարապետ» եկեղեցու Ջրօրհնեքի խաչի կնքահոր պատվավոր պարտականությունը ստանձնեց եկեղեցու բարերար Համազասպ Պետրոսյանը:

IMG_0898

10885238_862659580453193_3410813164005679528_n

-eLsxWzoyn0

10888520_862659537119864_7026104934582991456_n

10552588_861530360566115_6666484386643301262_n

 

10922547_861530160566135_6713755264788456780_n

Վարդան Մինասյան, Եկատերինբուրգից


Viewing all articles
Browse latest Browse all 17038

Trending Articles